شكوى من مخبز الوحده المحليه بمنشية مبارك

السيد الاستاذ وكيل وزارة التموين بالغربيه
بعد التحيه
يوجد مخبز تابع للوحده المحليه بمنشية مبارك بالمحله ومخبز الامن المركزى بنفس المكان الاول لايوجد عليه اى رقابه حيث ان مواعيد المخبز من الساعة السادسه صباحا ولا يعمل الا الساعه الثامنه والنصف صباحا وبيشتغل فقط لعمل عيش لبتوع الاداره والمعارف وباقى الحصه بتباع والكل خايف منه لانه جايب بلطجيه فى المخبز كل ماحد يقوله طلع عيش بيحيل عليه البلطجيه اللى جايبهم والثانى نفس الطريقه بس بشء مختلف يتم اخذ الخبز وبيعه بسيارات الامن المركزى مما يسبب ازمه فى العيش والناس مش عارفه تعمل ايه ايضا يوجد فرن طباقى بقرية محلة ابو على الاول ورثه حياة عبد الجواد وده وزن الرغيف فيه خفيف بس بصراحه على طول معمول له محاضر بس مش راضى يتعدل اما الثانى باسم احمد سمير الموافى وبياخد الخبز يبيعه فى السوق وعند اصحاب المطاعم والمحلات وده مافيش حد بيروحوه علشان صاحب المخبز بيعمل فى التموين هو ومراته فبيراعو الزماله على حساب الناس نرجو النظر فى هذه الشكوى لجعل منظر التموين فى الصورة الافضل

المخبز اوزانه حلوه ومواصفاته كويسه بس للاسف زى ما مكتوب بشيتغل فقط لعمل خبز لادارة التموين والمعارف وباقى حصة الدقيق تباع وعلشان هو بيتبلغ باى حمله جايه ليه علشان كده مافيش حد عارف يعمل له حاجه ومعاه ايضا بلطجيته اللى بيهدد بيهم اى حد فمابالك بالمفتش القائم بالعمل على هذا المخبز مين يحميه نرجو متابعة هذا المخبز من قبل المديريه مع الاخد فى الاعتبار مراعاة ان تكون سريه حتى على سواق الحمله لان بصراح محدش عارف مين بيبلغ صاحب المخبز باللى بيحصل مع التوفيق للجميع